Новая выстаўка «На зямлі сярод людзей»


Да дня нараджэння Васіля Фёдаравіча Праскурава, якому 25 жніўня споўнілася б 90 гадоў у выставачнай зале раённага краязнаўчага музея пачала дзейнічаць выстаўка «На зямлі сярод людзей».

Васіль Фёдаравіч Праскураў нарадзіўся 25.08.1926 года ў вёсцы Негаціна Дубровенскага раёна Віцебскай вобласці ў сялянскай сям'і.

Напярэдадні Вялікай Айчыннай вайны скончыў Сваташыцкую няпоўную сярэднюю школу. У 1945 годзе прызваны ў Савецкую Армію. Да 1950 года служыў карэспандэнтам армейскай газеты «За честь Родины» ў Аўстрыі, Венгрыі і Германіі. У 1950–1958 гадах старшыня Ганцавіцкага райспажыўсаюза, экстэрнам скончыў Брэсцкую ганлёва-кааператыўную школу. У 1964 годзе завочна скончыў факультэт журналістыкі Беларускага дзяржаўнага універсітэта імя У.І. Леніна. У 1958–1962 гадах – супрацоўнік ганцавіцкай раённай газеты «Сялянская праўда», у 1962–1966 гадах працаваў у ляхавіцкай раённай газеце «Будаўнік камунізму», з 1966 года – рэдактар газеты «Савецкае Палессе». Член Саюза Пісьменнікаў СССР з 1987 года. Узнагароджаны медалямі. Заслужаны дзеяч культуры Беларускай ССР.

Памёр 22 мая 1987 года.

Першы літаратурна-крытычны артыкул апублікаваў у 1950 годзе. Аўтар кніг публіцыстыкі «Святая сівізна», «Трое з-за Лані», «Людзі-суседзі», «Пакажы чалавеку дарогу», «Пакланіся зямлі-карміцельніцы», «Чорны хлеб», «Наўсцяж вясковай вуліцы».

Лаўрэат Дзяржаўнай прэміі БССР імя П.М. Лепяшынскага за кнігу «Пакланіся зямлі-карміцельцы».

Імем Васіля Праскурава названы Цэнтральная раённая бібліятэка і вуліца ў горадзе Ганцавічы.



Новая выстаўка «На зямлі сярод людзей»
Новая выстаўка «На зямлі сярод людзей»
Новая выстаўка «На зямлі сярод людзей»
Новая выстаўка «На зямлі сярод людзей»
Новая выстаўка «На зямлі сярод людзей»
Новая выстаўка «На зямлі сярод людзей»