Іван Кірэйчык – паэт, пісьменнік, журналіст

Да 80-годдзя з дня нараджэння Івана Аляксандравіча Кірэйчыка прапануем вашай увазе выстаўку, якая распавядае пра творчы і жыццёвыя шляхі нашага знакамітага земляка.

Іван Аляксандравіч Кірэйчык нарадзіўся 19 сакавіка 1935 года ў невялікай вёсачцы Гута. Бацька Івана па-геройску загінуў на франтах Вялікай Айчыннай вайны. Маці выхоўвала адна траіх дзяцей у галодныя і халодныя пасляваенныя гады. Нягледзячы на гэта, Іван скончыў Гуцянскую сярэднюю школу і ўладкаваўся на працу ў мясцовы калгас «Праўда». Працоўныя ўніверсітэты Івана не былі доўгімі: неўзабаве яго прызвалі ў армію. I не абы-куды, а на Балтыйскі флот, дзе ён праслужыў у якасці матроса цэлыя чатыры гады.

Тут, на флоце, ён і паспрабаваў свае сілы ў вершаскладанні. Першыя яго вершы былі надрукаваны ў флоцкай газеце «Страж Балтии», потым у калектыўным зборніку «Песня, рождённая морем».

Пасля дэмабілізацыі Іван зноў працаваў у калгасе, а з 1958 года быў залічаны на пасаду літсупрацоўніка ў Ганцавіцкую раённую газету «Сялянская праўда». Адначасова з работай у раёнцы I.Кірэйчык завочна вучыўся на аддзяленні журналістыкі філалагічнага факультэта Белдзяржуніверсітэта, які скончыў разам са сваім калегам па рабоце Васілём Фёдаравічам Праскуравым у 1965 годзе.

Вучоба, праца ў раённай газеце садзейнічалі хуткаму творчаму росту будучага пісьменніка. Пачынаючы з 1963 года, Іван Кірэйчык працуе ўласным карэспандэнтам Беларускага радыё і газеты «Чырвоная змена» па Брэсцкай вобласці, а пасля пераезду ў Гомель — у абласной газеце «Гомельская праўда» і на студыі тэлебачання. Тут па-сапраўднаму раскрыўся яго літаратурны талент.

Адзін за другім, у 1966, 1968, 1970-м гадах, выходзяць зборнікі нарысаў і апавяданняў Івана Кірэйчыка «Багацце душы — людзям», «Пялёсткавы бераг», «Каласам хіліцца долу», пазней, у 1984 годзе, — «Калінавая квецень».

Іван Кірэйчык зарэкамендаваў сябе ў літаратурных колах не толькі як выдатны нарысіст і празаік, але і адораны паэт. У 1977 годзе ён выдаў зборнік паэзіі «Аснова», а ў 1994-м яшчэ адзін паэтычны зборнік «З маіх крыніц». Акрамя таго, яго вершаваныя і празаічныя творы змяшчаліся ў калектыўных зборніках «Вернутае шчасце», «Люблю будзённы дзень» і іншых. Таксама ў яго літаратурным запісе выйшлі кнігі былых партызан Р.Лазабеева і М.Качана « Лясныя пабрацімы» і «Апалены ранак».

Усё напісанае Іванам Кірэйчыкам прасякнута публіцыстычным пафасам, шчырасцю пачуццяў, невычэрпнай дабрынёй, гонарам за сваю Бацькаўшчыну, якую ён любіў усім сэрцам, як маці і верны яе сын.

Па адной, толькі вядомай яму, прычыне Іван Аляксандравіч не стаў членам Саюза пісьменнікаў Беларусі, хаця меў для таго ўсе падставы. I тым не менш, яго ўклад у беларускую літаратуру значны і неацэнны, a напісанае ім засталося добрай спадчынай нашчадкам і самым трывалым помнікам самому творцу.

Памёр I.А.Кірэйчык 16 лютага 1996 года. Пахаваны ў Гомелі. Яго імем названа вуліца ў яго роднай вёсцы Гута, а на месцы, дзе колісь стаяла бацькоўская хата, у яго гонар устаноўлены памятны знак.

Чытаць кнігі Івана Аляксандравіча Кірэйчыка:
- зборнік вершаў «З маіх крыніц»;
- зборнік вершаў «Аснова».


Іван Кірэйчык у вёсцы Гута (апошнія гады жыцця)
Іван Кірэйчык – вучань 10 класа Гуцянскай сярэдняй школы
10 клас Гуцянскай сярэдняй школы
Іван Кірэйчык з сястрою Лімай (Алімпіядай)
Іван Кірэйчык і Міхась Рудкоўскі
І. Кірэйчык і А. Вярбіцкі – дырэктар Гуцянскай сярэдняй школы
Іван Кірэйчык з жонкай Верай Фёдараўнай у г.Ганцавічы 1959 г.
Іван Кірэйчык з гуцянскімі дзецьмі ў роднай вёсцы
На ганку рэдакцыі газеты “Сялянская праўда”. Злева-направа: І. Кірэйчык, С. Дзерышаў, І. Лісецкі, В. Праскураў
На ганку рэдакцыі газеты “Сялянская праўда”. Злева-направа: І. Кірэйчык, М. Дубянецкі, В. Праскураў
На ганку рэдакцыі “Сялянская праўда”. Сядзяць: В. Хлаптунова, І. Кірэйчык. Стаяць: М. Рудкоўскі, У. Давыдчык
Супрацоўнікі газеты “Сялянская праўда” (злева-направа): Ю. Шымкевіч, І. Лісецкі, І. Кірэйчык, С. Дзерышаў
Злева-напрва: І. Кірэйчык, В. Праскураў, М. Рудкоўскі
Злева-напрва: В. Хлаптунова, (невядомы), І. Кірэйчык, С. Дубянецкі
На ганку рэдакцыі газеты “Сялянская праўда”. Сядзіць унізе І. Кірэйчык. Вышэй – І. Лісецкі, Хлаптуноў, М. Дубянецкі, С. Дзерышаў, В. Праскураў
На ганку рэдакцыі газеты “Сялянская праўда”. Верхні рад (злева-направа): Ю. Шымкевіч, П. Батура, М. Дубянецкі. Сярэдні рад: І. Лісецкі, Н. Мелехавец, Хлаптуноў, (невядомы), В. Праскураў. Ніжні рад: В. Хлаптунова, І. Кірэйчык, Шатроўская
На ганку рэдакцыі газеты “Сялянская праўда” сядзяць (злева-направа): І. Кірэйчык, В. Праскураў, М. Дубянецкі
Іван Кірэйчык з саслужбоўцамі (3-ці рад зверху, 2-гі злева-направа)
З саслужбоўцамі. Іван Кірэйчык 1-шы злева
“Дорогим родителям от сына и брата» горад Ліепая ЛатССР. 1955 год
З саслужбоўцамі. Іван Кірэйчык стаіць першы злева
На ваенных зборах. Іван Кірэйчык 3-ці злева. 1968 г.
Іван Кірэйчык на ваенных зборах. 1968 год
Іван Кірэйчык і Уладзімір Верамейчык (пісьменнік)
Супрацоўнікі газеты “Гомельская праўда” злева-направа: А. Шныпароў, А. Капусцін, І. Кірэйчык
Іван Кірэйчык за працоўным сталом
Іван Кірэйчык з журналістам А. Шныпаровым
Іван Кірэйчык і Юрась Свірка (пісьменнік)
Іван Кірэйчык з жонкаю Верай Фёдараўнай
Іван Кірэйчык у парку. 1978 год
Іван Кірэйчык у вёсцы Гута
Злёт маладых літаратараў. На пярэднім плане Іван Пятровіч Шамякін, побач Іван Кірэйчык
Супрацоўнікі газеты “Гомельская праўда” на суботніку. Крайні зправа: Іван Кірэйчык
Злева-направа: І. Кірэйчык, М. Капыловіч (пісьменнік), М. Лісоўскі (журналіст)
Разам з роднымі ў парку горада Гомеля
Іван Кірэйчык і У. Лазько (галоўны рэдактар “Гомельскай праўды”)
“Рэдка здымаюць, рэдка – падумаў Кірэйчык, гледзячы ў аб’ектыў”. Горад Мазыр
Іван Кірэйчык
Пад час адкрыцця памятнага знака ў вёсцы Гута
Родныя Івана Кірэйчыка на выставе ў раённым краязнаўчым музеі
Вокладка зборніка паэзіі «Аснова»
Вокладка кнігі прозы «Багацце душы – людзям»
Вокладка зборніка паэзіі «З маіх крыніц»
Вокладка кнігі прозы «Калінавая квецень»
Вокладка кнігі прозы «Пялёсткавы бераг»




Похожих на databet88.